मुंबई : राज्याच्या माहिती व जनसंपर्क महासंचालनालयाची निर्मिती असलेल्या ‘मी मुख्यमंत्री बोलतोय...’ या कार्यक्रमाच्या दुसऱ्या भागात मुख्यमंत्री देवेंद्र फडणवीस युवकांशी संवाद साधून त्यांच्या प्रश्नांना उत्तरे देणार आहेत. या वेळी ‘शालेय आणि महाविद्यालयीन शिक्षण क्षेत्रातील सुधारणा’ या विषयावरील प्रश्नांना मुख्यमंत्री उत्तरे देणार आहेत.
या कार्यक्रमाच्या माध्यमातून विद्यार्थ्यांना थेट मुख्यमंत्री देवेंद्र फडणवीस यांना प्रश्न विचारता येणार आहेत. विद्यार्थ्यांनी विचारलेल्या निवडक प्रश्नांना मुख्यमंत्री उत्तरे देतील. यासाठी विचारण्यात येणारे प्रश्न विषयाशी निगडित धोरणात्मक बाबींवर असावेत, वैयक्तिक नसावेत, असे माहिती व जनसंपर्क संचालनालयाने कळवले आहे. आपले प्रश्न मोबाइलवरील संदेश स्वरूपात किंवा ऑडिओ रेकॉर्ड करून स्वत:च्या छायाचित्रासह पाठवावेत, असे आवाहन माहिती व जनसंपर्क महासंचालनालयाच्या वतीने करण्यात आले आहे.
प्रश्न विचारण्यासाठी मुदत : पाच मे २०१७ रोजी सायंकाळी पाच वाजेपर्यंत
ई-मेल : mmb.dgipr@gmail.com
व्हॉट्सअॅप : ८२९१५ २८९५२
